Monday, March 15, 2010

Two worlds existing as one: U6 Ring of Luck +2

Hindi ba kayo nagtataka kung bakit mas mahirap ang mga side quest at side boss sa Final Fantasy Series? Isipin mo, sa FFVII mas mahirap pang matalo si "WEAPON" na lumilipad at si "WEAPON" na lumalangoy kesa kay Sephiroth. Matatapos mo yung mismong game ng hindi mo nakukuha si Yuffie, Vincent at ang super IMBA na Knights of the round at Omnislash. Sa FFVIII matatalo mo si Ultimecia ng hindi nakukuha ang Guardian Force na si Bahamut, Doomtrain at si Eden. Tumambay ka lang sa "Island closest to hell" at magpa max level kayang kaya mo nang tapusin yung laro. sa FFIX mas mahirap pang talunin si Ozma kesa kay trance Kuja. Hindi ko nga malalaman na pede palang lumipad ang chocobo at kumpletuhin ang chocograph kung hindi ako gumamit ng tulong ng walkthrough sa magazine na EGM (hindi pa uso ang Internet noon). Kung tutuusin madali lang tapusin ang Final Fantasy, lahat ng FF na nalaro ko tinapos ko muna ng hindi kumpleto at nilaro ko nalang ulit para kumpletuhin ang mga side quest. Astig kasi ang storyline ng FF, pero narealize ko... hindi pala sapat na tapusin mo lang yung mismong laro. dapit makumpleto mo, hindi man related sa storyline or related man, importante lahat yun. kaya naisip kong mag flashback muna. ^_^


Pano nga ba kami nagkakilala ni Jennica Nicole Roxas?


*Start of flashback*


Hindi ko maipaliwanag ang kakaibang nararamdaman ko nung mga oras na yun. 4am palang gising na ko. bakit? 1st day of class. 1st day ko sa college. Magkahalong excitement at kaba ang nararamdaman ko. Pag patay ko sa sigarilyong hinihit-hit ko napansin kong naka lima na pala ko. wtf. kabado ako masyado. bagong tao. bagong teacher. bagong subjects. bagong pakikisamahan. bagong mundo. kaya nagsindi ulit ako ng sigarlyo at dumerecho sa banyo.


Matinding muni muni ang ginawa ko habang nasa byahe para makalimutan ang matinding kaba. Hanggang sa makarating na ang FX na sinasakyan ko sa lawton. Pag baba ko ay bumili kagad ako ng yosi. Dala ang maliit na pouch bag sa kaliwang kamay ko, at yosi sa kanan, nag lakad ako sa underpass kasabay ng mga estudyanteng papasok din at mga estudyanteng tatambay sa SM manila. parang ang bagal ng oras, parang ang bagal ng lakad ko, parang ang layo ng kabilang hagdan ng underpass. parang may slowmo pag nakakatapat ko ang mga estudyanteng papunta sa pinanggalingan ko..bigla ko nalang narinig ang kantang gangsta's paradise sa utak ko. "as I walk to the valley of the shadow of death..." dun bumalik ang normal na bilis ng paglakad ko. napatingin ako sa oras...


"shit! malalate na ko..."


mabilis kong pinakita ang reg's form ko sa guard at hinanap kagad ang room ng 1st class ko. room 208, humanities. sakto, sa 2nd floor lang ang room ko kaya madali ko itong nakita.


"pag pasok ko sa room ay malamya at nakakairitang boses ang sumalubong saken..."


"Oh! Let's welcome our newcomer..."


nagtawanan ang buong klase... takte, 1st day of class napahiya kagad ako. pero hindi pa pala dun matatapos ang kalbaryo ko.


"Mr. newcomer, would you mind introduce yourself to the class?"


AmpfF! nakakainis tong prof na to ah. gusto talaga ata ako ipahiya. pinagpapawisan na ko ng malamig. pinilit kong buhatin ang sarili ko patayo at nagumpisang magpakilala...

"No Mr. newcomer, introduce yourself HERE in front of your classmates."


waaAaaaa! shit talaga... wala na kong nagawa, lumakad ako sa isle at pumunta sa harap at nagpakilala.


"Hi classmates, I'm Francisco Kalibogan, Sixtee-"


nagtawanan ang buong klase ng banggitin ko ang aking apelyido. takte sabi na eh...


"Wow! you have a very unique and interesting surname. you can now take your seat Mr. Horny."


at nagtawanan ulit ang buong klase. pakiiiinnnnshit! naasar na ko ah, i-Pk ko kaya tong prof na to. asar.


"You can sit beside Ms. Roxas for the meantime, I'll make your seat plan tommorow."


dismayadong umupo ako at nanahimik nalang.


"badtrip? badtrip ka no? wag ka na mabadtrip, lahat nga kami na okray nyan kanina eh. bading kasi."


WTF! sa sobrang badtrip ko hindi ko napansin na yung Ms. Roxas pala na katabi ko ay anghel. Kawaiii! tipo ng babae ko pa, Chi-ni-ta... nawala ang pag kabadtrip ko. pumasok kagad ang mga "the moves" sa utak ko at sinubukan kung eepekto sa kanya.


"hindi... hindi ako badtrip, sa totoo nga masaya ako eh. kasi katabi kita."


*batok ng malakas*


"ahahah! dumidiga ka pa ah! anong name mo? francis?"


grabe! ibang klase tong babae na to. sa ganda at amo ng mukha niya nagulat ako sa pag batok niya saken. ngayon lang kami nagkakilala kung makabatok parang nanay ko. pero bakit ganon? hindi ako naiinis? natuwa pa nga ako.


"amf! sakit naman ng batok mo! oo francis name ko, Kiko nalang... ikaw anong pangalan mo?"


"amf? don't tell me geek and nerd ka din? ung salitang "amf" sa mga nerd ko naririnig yan eh... yung mga adik sa computer!"


"awts! hindi porket adik kami sa computers eh geek na kami. tignan mo nga ako? yan ba ang mukha ng geek? eh ang cute cute ko."


"uhmmmm... pede pede. CUTE na GEEK! hahaha!"


"Lul!"


"ako nga pala si Jennica Nicole Roxas"


"ayos sa pangalan, parang pinilit lang.... ^_^"


"maganda naman ah.... kesa naman sa apelyido mo. haha! Jen nalang tawag mo saken, patingin nga ng reg's form mo"


ibang klase tong babae na to. ang gaslaw, ang likot, ang lakas ng boses, parang hindi babae. pero... nanlalambot ako sa singkit nyang mata. sa maamo niyang mukha, grabe. ang cute.


"ah d2 lang pala tayo classmates. iregular kasi ako. SA ako eh. sabay tayo lunch maya. kita tayo sa canteen"


weeeeeeeeeeee! ayos to! sabay daw kami lunch mamaya. sarap naman. kahit ndi na ko maglunch. busog na busog mata ko neto. ^_^ kaya lang bigla na naman umepal si bading...


"ehem! ehem! Ms. Roxas and Mr.Horny, would you mind sharing that conversation of yours to the whole class?"


"would you mind your face..."


*end of flashback*


Para akong dinala sa isang malawak na lugar... malawak na malawak na lugar... walang bagay, walang pader, walang bahay, walang halaman, walang puno at sasakyan... wala lahat.... maliban kay Jen. sa malawak na lugar na yun ay kaming dalawa lang ang nandon. nakatitig siya saken... at ganon din ako... nagaantay siya ng gagawin ko, ako naman ay nagiisip kung ano ang gagawin. nakakabingi ang katahimikan, nagpapawis na ang mga kamay ko, ano bang gagawin ko? seryoso ba siya? natatakot ako na baka biglang ituro nya ang hidden camera at sabihing "nasa wow mali ka, ayun ang camera namin, bumati ka". pero hindi, seryoso siya. nakikita ko sa mga mata niya ang reflection ng mukha ko kaya alam kong alam niya na kinakabahan ako at alam ko din na nakikita niya sa mata ko ang reflection ng sarili niya na talagang seryoso siya. sinasabi ng puso at pagkalalaki na halikan ko na siya. eto na yung matagal ko nang pinapangarap. pero sinasabi ng utak ko na wag kong gawin.

bakit?

kung ano man ang gawin ko paniguradong may malaking epekto sa pagkakaibigan namin. natatakot din ako. pero eto na eh! palay na ang lumapit sa manok. isda na ang nagpapa bingwit. pera na ang lumalapit sa pitaka. ang matagal kong pinapangrap na ang lumapit saken. pumikit ako ng dalawang segundo. pagdilat ko sabay bulong sa sarili...


"bahala na kung magcrit..."



at sa unang pagkakataon sa limang taon ng pagsasama namin bilang magkaibigan, nagtagpo ang aming mga labi.

--

(Ako nga pala si Kiko, nevermind nalang kung ano ang surname ko. hehe! again, isa 'to sa mga update na talagang tumatak sa isip ng mga readers, at syempre saken na din. dahil dito unang nagtagpo ang mga labi namen ni Jen, ang bestfriend ko.)

Two worlds existing as one: U5 Art of defense cooldown

Mas malakas pa sa tunog ng martilyong tumatama sa pako ang kaba sa dibdib ko nung nasa last boss na ako ng Resident Evil 2, habang ginagawa ang 2nd floor namin noon, ako naman ay naglalaro sa sala ng PS1. Hinding hindi ko makakalimutan ang "11 12 13 14 15...." na tila naging countdown ng buhay ni Leon Kennedy habang inaantay niya ang elevator para sa last escape route niya sa loob ng Umbrella Corporation. Literal na nagulat ako nung biglang lumabas yung last boss. Nag mutate pa sa harapan ko. WTF, 1 lang ang aid spray ko nung pag kakataong yun at 2 green herb. kakayanin kaya? nagpaikot ikot ako at inantay ang pagkakataon na hindi niya ako tamaan sa pag lundag niya. Nung dumating ang pagkakataong iyon, agad ko syang tinadtad ng magnum ko at nang maubos ang bala sabay palit ng shotgun. sabog. deds ang kalaban. natapos ko ang RE2 ng Rank B, hindi na masama para sa isang grade 4 student. feeling ko ang galing galing ko.


Imbes na Zenki at BT'x ang laman ng usapan sa room namen, RE2 ang topic, at syempre... ako ang bida. Pero inagaw kagad ng isa kong kaklase ang spotlight saken ng bigla siyang nagtanong....


"yung scenario nila natapos mo na? tinatapos ko ngayon yung scenario 2nd ni claire....."


natahimik nalang ako sa isang tabi...


"kahit gaano ka pa kagaling ngayong araw na to, bukas oh sa makalawa meron nang mas hihigit pa sayo... kaya huwag kang makuntento, always leave a BIG room for improvement" - yan ang natutunan ko sa kaklase ko na unang nag sabi ng scenario 1st and scenario 2nd ng RE2. kaya makalipas ang isang linggo at nagbibida paren siya sa klase tungkol sa scenario ng RE2, lumapit ako at nagtanong.


"Si Hunk at si Tofu natapos mo na?" at nalipat ulit sa akin ang spotlight...


kung tutuusin mas mababaw ang luha ko kay Jen, at sa lahat ng problema na pinagdaan niya hindi ko siya nakitang umiyak. Gulat, Takot at Sakit ang naramdaman ko nung nakita kong pinipigil niya ang pagpatak ng kanyang luha. ma-pride ang bestfriend ko. ayaw niyang nakikita siya ng tao na mahina siya. Para siyang isang Force Shielder na nawalan nalang bigla ng AOD dahil tapos na ang duration ng skill. kanina pa pala siya nagtatago sa malaki niyang panangga. at sa oras na nawala ang AOD, doon bumuhos ang luhang kanina pang nagkukubli.


"Gusto mo ng icecream? cookies n cream! treat ko..." yun nalang ang nasabi ko sa kanya, ang weak ko, kaya ko ba sya idefend sa mga mang ppk sa kanya? lowbie pa ko. at hindi pa dual trans. wala pa nga akong seismic wave eh. Isa lang ang maibibigay ko, ang maiparamdam na nasa tabi niya lang ako at hindi ko siya iiwan. Hindi ko man siya kayang idefend pede ko naman siyang i-party at doon pede na siyang mag cast ng SS para makatakbo kami sabay click sa return stone. ^_^ "bb po..."


"Salamat ah... Salamat sa pagsama saken... salamat sa pakikinig. salamat sa ice cream. sa bahay ka na matulog shot tayo! gusto ko makalimutan yung Joey na yun"


"naku hindi pede hindi ako nakapg paalam...." takte pano ba to? magpapalevel pa ko at magggrind.... kahit parang nag 1st move na si xcuteWIAx para sa pagbabati namin eh gs2 ko paren siyang gantihan.


"please? please....?" nagmamakaawang tugon ni Jen...


wtf! ang kyut niya! para siyang bata..... nanghihina ako, naningkit na naman ang mata niya, kawaiii!!!!!!!!!!! ^_^ naghang na naman ako... kaya ni-reset ko muna ang pc ko. kaso pag boot sa desktop nagulat nalang ako. andun na kami sa bahay nila.....


"Tay, Nay, Gudevening po...." magalang na bati ko sa mga magulang ni Jen,


"kumain na muna kayo...." tugon ng Tatay ni Jen


"tapos na po tay, salamat po...."


"tara na sa taas..." yaya ni Jen


may pwestuhan kami ng session sa bahay nila Jen, sa may bandang terrace. at dun kami naginom....


"tinext ko na nga pala si Tita, sabi ko d2 ka m22log. okay daw"


takte... naunahan ako ah, balak ko sana tatapusin ko lang ang inuman namin tapos uuwi paren ako para kahit papano makapagcabal pa ako.


"ah talaga? sge..." dismayadong tugon ko sa sinabi niya.


"salamat kambal ah... sobrang thankful talaga ako at nakilala kita"


"naman! kaw pa. malakas ka saken eh. oh sya sya! tama na ang drama! shot!"


at nagpakasaya kami at nagpakabasag.... nagkwentuhan, nagkantahan, nag sayawan.... napatigil lang kami pareho sa sayahan ng biglang narinig namin ang kantang bonnie and clyde nila beyonce at Jay-z. yun kasi ang theme song nila. May pagka "G" kasi ang boyfriend ni Jen na si Joey. i mean... ex-boyfriend.


mga limang segundo... sampu... hanggang sa umabot sa linya ng kantang....


"All I need in this life of Sin... is me and my boyfriend, me and my girlfriend..."


hindi na naman napigilan ni Jen ang patulo ng kanyang luha. Nawala na naman ang AOD niya at naalala si Joey,


"tahan na.... inom nalang tayo, lilipas din yan. malay mo, bukas oh sa makalawa, puntahan ka niya. makipag balikan, edi happy ka na ulit"


nagulat ako sa sagot niya...


"pangit ba ko?"


"takte! kung pangit ka hindi kita magiging crush.... diba unang kita palang naten sabi ko crush kita. totoo un" na stun ako sa tanong niya. Maganda si Jen, mukhang anime ang mukha. kawaiii!! tapos bigla siyang nagtanong ng ganon? naisip ko malaki ang naging epekto ng break up nila para magtanong siya ng ganon.


binalot na naman kami ng katahimikan.... sampu, dalawampu, talumpung segundo ng katahimikan.... biglang lumamig ang hangin, humahalik sa aming mga pisngi. saktong natapos na ang CD na pinapatugtug namin. malimit na kahol ng aso sa kapitbahay nalang ang naririnig namin... at mahihinang paghinga naming dalawa. mabilis ang tibok ng puso ko. ramdam kong ganon din ang sa kanya. lumipas ulit ang sampung segundo, dito niya binasag ang katahimikang bumabalot sa aming dalawa.


".....kung ganon, halikan mo 'ko"

--

(Isa ito sa mga update na maraming nabitin at lalong maraming tumangkilik sa story na 'to, maraming reply ang nagsasabing bitin at lalong dumami din ang naglabasan na dati ay silent reader lang. Nakakatuwang isipin na sa simpleng paraan ko ng pagsusulat ay marami ang nahumaling sa storya na 'to.)

Two worlds existing as one: U4 Underpass


Iba-iba ang tao. May taong mas trip ang Balot kesa sa Penoy. May mga taong mas trip ang Piatos kesa sa Vcut. May mga taong mas trip ang Scrambled Egg kesa sa Sunny-side-up. May mga taong mas trip ang Lugaw na pantagal amats kesa sa mainit na Mami. May mga taong mas trip ang Chowtime kesa sa Eatbulaga. May mga taong mas trip si Jaya kesa kay Taylor Swift. May mga taong mas trip ang Kaning Lamig kesa sa Bagong Saing. May mga taong mas trip ang Isetan kesa sa Trinoma. May mga taong mas trip ang Chocnut kesa sa Kitkat. May mga taong mas trip ang Nescafe 3in1 kesa sa Java chip ng Starbucks. May mga taong mas trip ang Capella kesa sa Procyon. May mga taong mas trip ang HOPE kesa sa MARLBORO. May mga taong mas trip ang Sta. Mesa kesa sa Cubao. May mga taong mas trip si OSANG kesa kay MARIA OZAWA...


Ako? mas trip ko si MARIA OZAWA...


Pag tapos kong mag LO sa cabal ay agad agad akong naligo at nagayos para sa "date" namen ng bestfriend ko. 5pm ang out nya, baka malate ako. kutos ako dun. Galing ng taguig ay babyahe ako papuntang intramuros para sunduin sya sa letran dahil dun siya nag ttrabho. Kung iddescribe ko si Jen, or Jennica Nicole Roxas, hindi sila nagkakalayo ng ugali ng babaeng bida sa MY SASSY GIRL. Malakas mang batok, Assertive, demanding, pasaway, independent, malakas ang boses, kalog, at higit sa lahat... ang weakness ko. CHI-NI-TA... Sa hindi maipaliwanag na dahilan, pag sumisingkit na ang mata ni Jen nanghihina na ko. haysss, para akong computer na naghahang sa harap niya. kahit CTRL+ALT+DEL ay walang magawa para i "end task" ang pag titig ko sa kanya.


"4pm na pala, kailngan ko nang magmadali..."


habang nag aabang ako ng jeep ay nagsindi muna ako ng yosi. nakakamiss din pala. parang ngayon lang ata ulit ako nakalabas ng bahay ah... kung pede lang mag "tab" at magtele papuntang letran ginawa ko na. may prem pa naman ako eh. kaso ndi. ndi pede.. mga limang minuto bago ako nakasakay.


isang Jeep at dalawang FX ang kailangan kong sakyan papunta ng letran. yun kasi ang nakasanayan kong ruta. at gusto ko naren makapag muni muni sa mga lugar na dinadaan ko dati nung nagaaral pa ko. wala pa namang pinagbago. ganon pa din.


5:15 na ng makababa ako sa lawton, bumili muna ako ng yosi at nag lakad sa underpass. may mga nakakasabay pa kong estudyante... hindi ko maiwasang isipin. Itong mga taong nakakasabay ko sa underpass may posibilidad kayang sila din ang nakaka salubong ko sa warp center ng CABAL? sila din kaya ang mga nakakasabay kong mag quest at mag grind? Sila din kaya ang napakaraming character na nakavend sa TRADE channel? may posibilidad. pero maliit. sa pagiisip isip ay nakarating na ko ng letran. Nakita ko si Jen na nakatambay kay Nanay Bising at nakasimangot.


"takte... late ako ng 20mins. lagot" pabulong kong sinabi sa sarili ko...


"ang tagal mo naman kambal! gutom na ko oh...." kambal ang tawagan namin, dahil sa maraming bagay na pagkakapareho namen. mga bagay na pareho namin gusto.


"sorry nahirapan ako sumakay eh. pano? tara na? san ba tayo?"


"teka lang yosi muna tayo..."


umupo kami sa gilid ng 711 at nagyosi...


"bili mo naman ako ng snowbear! to talaga oh! mag paka gentleman ka naman!"


"wait po boss... ilan po boss?"


"ulul! wag mo nga akong iboss boss dyan, batukan kita eh.."


"pagkalat mo..."


"ahahaha! nakakainis yang expression mo na "pagkalat mo", nakakairita! haha"


matapos maubos ang aming yosi...


"tara na..."


"taxi na tayo ah..." pag may pera ako, trip ko talaga lagi mag taxi. tinatamad ako mag commute eh. sa MOA daw kami.


"weee! kambal mukhang may pera ka ngaun ah... treat mo ba ko?"


"ngek. kaw tong may trabaho eh. KKB muna... ^_^"


"damot oh..."


hanggang sa makarating kami ng MOA, kadalasan pag gs2 namin mag tipid dalawa, sa PAOTSIN lang kami kumakain. tapos yosi ulit. tamang kwentuhan. tamang tawanan. hindi ko namalayan ang oras sa sarap ng kwentuhan namin... 9pm na pala.


"naku gabi na... magcacabal pa ko. kailangan ko ng umuwi." - pano ko kaya to sasabihin? pano ko puputulin ang usapan namin? hindi naman sa 100% na gusto ko umuwi dahil sa CABAL, may pag ka delikado din kasi sa lugar namin. talamak ang holdapan kahit pa taga dun ka. talagang tataluhin ka.


eto na... bahala na...


"kambal... late na, uwi na tayo" medyo pabulong na sinabi ko kay Jen, baka kasi magalit...


"to naman! minsan na nga lang tayo magkaron ng quality time together, wala to."


"eh alam mo naman sa lugar namin dba? mga loko loko tao dun..."


"ahh ganun ba..." malungkot na sagot ni jen sa pagpupumilit kong pag uwi.


"pasensya na ah... bawi ako next time. promise. tara na..."




bago pa man ako makatayo... nadurog ang puso ko ng makita ko si jen na unti unting pumatak ang luha.





"break na kami ni Joey...."




....at hindi ko na napigilan ang pag iyak niya.

--

(dito sa update na 'to unang lumabas ang pag ka seryoso ng storya. Dito lumabas ang unang madramang set up ng relasyon namin ni Jen. Isang kaibigan na handang isakripsyo ang mga bagay bagay pag kailangan ng tulong ng bawat isa. Madrama pero kahit papano may kurot talaga sa puso. Alam ko kahit papano makakarelate kayo dito.)

Two worlds existing as one: U3 Back to reality

"The next generation will always surpass the previous one. It's one of the never ending cycles in life" - Hatake Kakashi


Nakakagulat ang mga kabataan ngayon. sa murang edad ay marami nang alam at kayang gawin lalo na pagdating sa computer. May pamangkin akong 5 yrs. old na marunong na mag internet at mag search ng videos sa youtube. Marunong na siya magchat at marunong naren mag youjizz. joke lang. Minsan nga eh siya pa ang nagpipilot ng character ko pag lalabas ako ng bahay. May pamangkin din akong kasama kong magmarathon ng Prison break at kasama ko din minsan manood ng pelikulang komplikado, hindi man literal na naiintindhan nila pero marami silang natututunan dito. Mabuti at masama. kaya minsan "kuyang kuya" ang dating ko sa pag papayo at pagsasala sa mga impormasyon na dapat lang nilang makuha.


Sa kabilang banda ay nakakalungkot din paminsan minsan, dahil hindi nila na experience maglaro ng "TUMBANG PRESO", ng "BANGSAK", ng "PATENTERO", ng "TEKS", ng "TOMSAWYER" at ng "GOODMORNING TEACHER". Hindi nila naranasan ang basain ang kanilang laruan sa kalsada ng kapitbahay na masungit dahil maingay sila. Dahil ang mga bata ngayon sa karamihan ay nakatutok at naka subsob na sa PC oh di kaya naman ay sa PSP sa loob ng kanilang bahay. mga RICH kid... ^_^


"thank you? bakit ako magtthank you sayo?" iritang tanong ko kay xcuteWIAx


"ay noob nga to, hindi mo ba napansin? hindi nga nakapag skill kalaban mo."


oo nga noh? ngaun ko lang din naisip... pero bakit naman niya gagawin un? para ipamukha saken na weak talaga ako at hindi ko kayang talunin yung BL na yun? bago pa man ako makapag salita ay...


"sabihin nalang naten na peace offering ko sayo yun... happy leveling!" at biglang nawala si xcuteWIAx.


para namang natapakan pride ko nun. pero parang nangibabaw ang saya. potential IGT siya. Tropahin ko kaya yun? kung tutuusin ay isa palang ang tropa ko dito. POSER pa amfufu. hahaha! si ChiChi. Paminsan minsan ay nangangarap din ako na magkaron ng isang guild na ang founders ay talagang mga tropa ko. Gusto ko magkaron ng isang pamilyang pede kong pagkatiwalaan sa mundo ng mga taong tuso. Kaya nung naging tropa ko si ChiChi talagang pinahalagahan ko. Pano kami naging tropa? simple lang...

*flashback*

"sis!"


"...."


"sis!"


sino ba tong wiz na to? kilala ko ba to? magpapanggap nga din ako.


"bakit sis?"


"sis penge alz pang skill lang"


takte sabi na eh. hahaha! syadong scripted. naramdaman ko na after nun hihingi sya alz eh... kaya sabi ko,


"sa quest sis dami alz"


"damot! chixilog!"


hahahaha! amfufu ako pa nabaligtad. okay to mukhang kwela to, sa bagay wala pa naman akong nagiging kaibgan dito. Tsaka maingat naman ako, kahit scammin ako neto wala naman siya maiiscam sken.


"tara! tulungan nalang kita palevel... sabay tayo"


"weee! bait mo sis! muah! teach me ah... tapos penge naren alz. ^_^"


"wag ka na magpanggap. lalake ako, at alam kong lalake ka din. hahaha! tara na..."


"bwahahahaha! masyado ba halata? pa add buddy Chong, sabay tayo palakas ah..."


*end of flashback*


kung meron man akong maipagmamalaki sa paglalaro ng cabal ay yun ay ang never pa ako na scam. Hindi ko alam kung talent na maitatawag to pero alam ko sa sarili ko at nararamdam ko kung sino ang dapat pag katiwalaan at sa hindi dapat. although nagpanggap si ChiChi nung umpisa naramdaman kong isa siya sa mga tatagal kong kaibigan dito sa CABAL.


pabili nga ng habababachiznax? ano yun iho? habababachiznax binge! ah habababachiznax, ay ubos na ho iho eh (galing sa album ng parokya ni edgar na ~khangkhungkhernitz) - yan ang message alert tone ko...


"kambal! tama na yang Cabal! labas naman tayo"


siya ang aking bestfrend IRL na si Jen, kung ikukumpura ko sa pelikula ang aming samahan sakto ito sa pelikulang "close to you" ni bea at john lloyd. weeee! sobrang cheezy! hahahaha! yun nga lang, may boyfriend sya. T_T pero okay lang, wala namang expectations. and NO MALICE naman. ^_^


"sige teka lang, 5pm out mo dba? sunduin kita sa letran. txt2 nalang"


"aye...."


"aye...."


*exit game*


hindi ko na nasagot ang pm ni xcuteWIAx dahil nakapg exit game na ako at medyo nagmamadali naren. Panandalian ko munang iniwan ang mundo ng CABAL at bumisita sa totoong mundo, may bagong episode kaya sa totoong mundo? baka matagalan ako mag patch. Teka download nalang ako ng manual patch.

--

(dito ko naikwento ang history namin ni ChiChi na magiging malaking parte ng buhay ko at sa mga susunod na updates, at dito rin ako nagiwan ng cliffhanger na maipapakilala magkikita kami ng bestfriend kong si Jen. Bbye Cabal muna, back to reality.)

Two worlds existing as one: U2 The good side

Hindi ko alam kung bakit usong uso dati ang low level pero mataas ang skill rank. dahil siguro sa masarap ang pakiramdam pag nakatalo ka ng mas mataas ang level sayo. Isipin mo nalang kunwari 1st yr. college ka at nakipagbanatan ka sa mga 4th yr college, panigurado makukuha mo ang respeto ng karamihan. Ganun siguro ang mentalidad ng mga tao sa CABAL noon. Pero ako, hindi ko naisip gawin ang mag grind ng matagal at hindi magpalevel para lang makapagtrash talk na nakakatalo ako ng high level kahit lowbie lang ako... bakit? dadating ka din naman kasi sa puntong kailangan mo talagang mag palevel, ang mundo ng CABAL ay hindi lang sa pvp umiikot.

"nakakainis! d maalis sa isip ko yung FB na yun. Level 18? dual trans? WTF! ano yun puro suntok lang ginawa? nakakatamad yun." (iritang irita paren ako grrrr)


"ganon na nga siguro chong! pero tignan mo naman, owning siya dba... dafeng mga high level sa kanya"


"kahit na... hindi ka yayaman sa pvp" (bitter lang siguro ako)


"sa bagay... alis muna ko chong, palevel/grind/quest lang ako, pm pm nalang"


siya ang 1st IGT ko... In Game Tropa. (imbento ko... hahahaha!) nagkakilala kami nyan dahil sa "kuah palimos po" days... namalimos ba naman saken eh mas mahirap pa ata ako sa kanya. sabi ko nalang sa kanya "samahan nalang kita, yun lang ang maitutulong ko sayo". at simula nun naging tropa na kami sa CABAL. siya nga pala si ChiChi, isang WIZ na POSER! hahaha! pero so far wala pa kong nabalitaan na nabiktima niya.


dahil nga sa sira ang pangalan ko sa channel 3, sa channel 31 nalang ako nag palevel at grind. Sa kalagitnaan ng masaya kong pag papalevel at grind ay may nag pm saken. ang bangungot ko... paksyet.

"wui weak! grind ka?"


"Lul magantay ka lang....." (yabang amfppp!!!!)


"kung gs2 mo ng ka pvp and2 lang ako sa tabitabi"


"pagkalat mo..."


"okay...."


loko to! magshshout na naman ata. liliit mundo ko sa Cabal neto! takte..


"sige pm nalang kita, mamaw ka kasi eh... lakas mo sobra!" (grrrr! baka makatulong ang pagiging sarcastic)


"okay thanks sa papuri... ^_^"


(grrrr... nangaasar talaga ata to)


makalipas ang limang minuto, enjoy na enjoy ako sa paggrind. walang hassle, saya! nang biglang...


"wui weak! kaw yung sa channel 3 na na-1hit dba?"


"uu ako nga, ikaw ba yung hahalik sa snow ngaun?" (haysss... here we go again...)


"asa!" (sabay saw saw sa mga mobs na pinapatay ko...)


"bastos ka ha?" (dafeng saken to...)


Rolling Crush!


awts miss! (vovo ko bat hindi ako nagcombo?)


Lightning Slash!


dafeng...


"malamig ba? nakakamanhid ba ng mukha dumafa sa snow? haha!"


"chamba! antayin mo ko d2..."


agad agad akong bumalik sa spot kung saan kami naglalaban nung BL na maangas, naka tatlong dafa ata ko... ang lakas! grabe dafain ko naman sobra... it's not my day. T_T


"wui! kanina ka pa pabalik balik d2 sa town ah, need help?"


"no need... kaya ko na to"


hindi ko napansin na sumabay pala saken si xcuteWIAx papunta kung nasan yung maangas na BL,

"hindi ka paren ba nagsasawa? oh idol xcuteWIAx anong ginagawa mo d2?"


"......" (/sit)


"anong ginagawa mo d2? eepal ka? magsama kayo!"


halos pulang pula na ang name ng BL dahil sa kaka PK saken, pero d ako makuntento, gusto ko bumawi! lagi nalang ako talo! tapos and2 pa tong mokong na FB na to. kailangan kong manalo...


combo starts...


Rollong Crush!


Cascade break!


Round Cut!


Sword Cannon!


"BWAHAHAHAHAHAHA! dafeng! WEAK! WEAK!" (kayang kaya ko naman pala to.... malakas din pala ako. hihihi)


(/bow) "thank you po kuah..." (nakaganti din ng pagaangas...)


"pedeng mag thank you, kung gs2 mo lang naman..... ^_^ "


Anong pinagsasabi netong FB na to?

--

(ito ang second meeting namen ng FB na si xcuteWIAx, hindi ko alam kung bakit trip na trip niya ako noon, oh talagang likas lang sa ugali niya ang mang asar. Nakakapag taka nga lang kung bakit siya nagbitiw ng salita na pedeng mag thank you.)

Two worlds existing as one: U1 Cheater na ForceBlader...


September 1. 2009,
12:30

Mahigit sa isang taon na pala akong tambay, bum, palamunin at hindi pa nakapagbayad ng buwis kahit minsan. Hindi ko alam kung sadyang tamad lang talaga ako oh hindi pa binibigay ng tadhana ang trabahong para saken. Kung tatanungin ako kung anong pinagkakaabalahan ko oh pinagkaabalahan ko matapos ko bunuin ang anim na taon sa elementary, apat na taon sa highschool at apat na taon din sa kolehiyo, yun eh ang paglalaro ng CABAL. Mabait na bata. Napaka productive ko dba? hehe! sabi ko noon pag graduate ko magpapahinga lang ako ng dalawang buwan, tapos naging tatlo, tapos naging lima, tapos naging isang taon, hanggang sa nakalimutan ko na halos lahat ng pinagaralan ko. oh sabihan nalang naten na kinalawang na ko. hahaha! siguro nga... tamad lang talaga ako at mas pinili kong mabuhay sa mundo ng cabal, (bakit? secret!) at paminsan minsan nalang ako dumalaw sa totoong mundo.

umpisahan naten ang buhay cabal ko noong august 2008....

Ako nga pala si Ayekaru sa cabal, isang babaeng WA.. babae ang character ko hindi dahil sa babae ako, hindi dahil bakla ako oh mang chichixi lang ako. babae ang napili kong char kasi cute at astig. Babae na ang laki laki ng bitbit na espada. wapakk! ginaya ko yung itsura ni claire ng anime na Claymore. Isa sa mga favorite kong anime na bitin. asar.

"ate ang ganda mo naman..."


"di tayo talo PRE!"


"ate ang cute naman ng name mo..."


"yung sayo din CHONG!"


"wow! astig! lakas mo naman sis... may frendster ka?"


"meron po check mo nalang... teka babae ka ba?"


"ndi po, lalake po..."


"ah... lalake din kasi ako"


"waaaah! chixilog!"


"wala akong sinabing babae ako... pakyu!"

yan ang mga ilang bagay na na experience ng babae kong char... kung loko-loko lang siguro ako gumawa na ko ng poser account sa FS at nang hingi ng alz, pero hindi ko ginawa. Pero minsan nanttrip din ako, sa mga tropa ko in-game. ^_^


Level 20+, Sword Skill: Master, Magic Skill: Novice


"ate try po?"

ayus to... dafeng saken tong ForceBlader na to, master na sword skill ko! hahaha! nilagay ko na ang "bow" sa shortcut keys ko para pag dafeng nya mag bbow ako sabay bigkas ng "thank you po"

"sure!" sabi ko sa FB na babae...


"invite po"

duel starts...

5

4

3

2

1

START!


Mana Freeze!


WTF? ano to? hindi ako makapag skill!


Assassinate!


pak! pak! pak!


dafeng....


(bow) "thank you po ate..."


Putangina!!!!! grabe to! napahiya ako ah....


"daya mo...."


"?" (umalis na yung FB)


nanggigil ako, gusto ko bumawi. Pag balik ko sa spot na pinaglabanan namin sa DS channel 3, wala na siya.... hindi ko matanggap ang pagkatalo ko kaya nag shout ako.


"amf na FB yan! sa pandadaya ka lang ba nananalo? cheater amf!"


"......"


"ano asan ka na? lika d2 sa DS! pvp ulit tayo! takot ka ba?"


"......"


"wag kayo makikipag pvp kay xcuteWIAx. cheater na FB!"


"noob! search mo sa google. mana freeze... nakaka tawa ka, WEAK Ayekaru!"


pfftt! asar na ko! amf talaga to!


"pvp debuffs? ang weak mo! asa ka sa debuffs mo!"


"FB debuffs? malamang... FB ako eh... skill namen to. antayin mo ko dyan, hindi ako magdedebuff tignan naten."

biglang sumulpot ang FB na sa xcuteWIAx sa harapan ko ....


"oh tara pvp na! asa ka sa debuffs mo! weak!"

"guys.... I'm inviting all of you to watch our duel here in DS channel 3... place your bets now! hahaha!"

amf to! nagtawag pa, mapapahiya ata ako ng di oras. Wala pa kong 1month naglalaro ng cabal madudungisan kagad char ko. amf to... asar talaga!

"sige lang magtawag ka pa! weak! debuffer!"

unti unti napuno ng tao ang pvp spot sa DS channel 3, kahit umagang umaga nag sulputan ang tao dito at naghanda na ata ng pang asar saken. bigla akong kinabahan...

"game! invite!"

"ikaw na mag invite weak na asa sa debuffs!"

"hahaha! kk"

*xcuteWIAx invites you to a duel*

*accepts*

5

4

3

2

1

Start!

pinindot ko kagad ang combo.... at siya naman ay nag....

Assassinate! pak! pak! pak!



"kitang kita.... 1hit! kawawa naman to... palakas ka pa kuah..."


"...." *deds*


nakakainis! ang lakas nya! ano bang level neto? asar naman! napahiya ako.... T_T

biglang may nag pm sken...

"kua, level 18 lang yan... dual trans. sikat yan dito. siya pinaka mababa level na dual trans na.. high level pinapa dafa nyan..."

"wtf!?"


mag-antay kang FB ka... makakabawi din ako sayo...


--

(Dalawang fic ang nabasa ko bago ko nagawa 'to, oh bago ako na inspire gumawa din ng ganito. Una ay 'yung CABAL friends at ang alamat na Not another mushy love story na galing sa Ragna Boards. Matagal na akong nagsusulat pero karamihan ng mga naisusulat ko ay hindi ko pinapublish sa net. At nung mabasa ko nga yung dalawang fanfic na 'yun sa creative section ng Cabal forum, nagkaron ako ng lakas ng loob na gumawa din ng sarili kong story, at etong two worlds na nga ang naging produkto ng pagbabasa ko ng fic.)